المساعد الشخصي الرقمي

مشاهدة النسخة كاملة : مايصح الا الصحيح

صدىالناي
15-01-2005, 08:20 AM
كلما جيت ابضحك... استحيت وبكيت
وكلما جيت ابنهض.. اتعثر واطيح

وكلما جيت ابرقد...طال ليلي وسريت
وكلما جيت ابسكت... قام جرحي يصيح

وكلما انهي طريققي...فـــ العذاب أبتديت
وكلما احاول اكتم...راح دمعي يبـيح

وكلما اقول مـبروك.. استرحت ونسيت
ارجع واقول..مايحس... بالحياة الذبيح

لودريت بطريقي..آه.. لوني دريت
مامشيته سليم..وجيت منه .. جريح

انت لحظه غرورك.. ابتديت.. وانتهيت
آه..ليتك من اللحظات الاولي ...صريح

لعنبوها خطاوي.. جابتك لي وجيت
ولعنبوها قصايد.. قلتها لك ..مديح

ماكأني سقيت.. ولا كانك رويت
في فراقك كريم..وفي وصالك شحيح

ان عطيتك عهودي خنتها وماوفيت
تخلط البغض بالحب.. والذهب بالصفيح

ماتمنيت ترجع ..لا.. ولا قلت ياليت
مايصح بحياتي.. شي غير الصحيح

(صـــ الـحـرمـان ــدى)
حنونة
15-01-2005, 09:08 AM
صح لسانك
القصيدة جميلة تدل على قلمك الذهبى
تقبل تحياتى
حنونة
ấмоόойấ
15-01-2005, 09:55 AM
تسـلم هالايـادي يالغلا

على هالكلمات الرائعه
صدىالناي
15-01-2005, 11:30 PM
حنونة.
صح ابدنج خيتوو . والجميل مروركي وطلتكي الذهبيه لي صفحتي المتواضعه هذي.

دمتي لنا .
صدىالناي
15-01-2005, 11:33 PM
EmAn - AlKuWaiT.

يسلمج ربي يالغلا ايمان وعلي مروكي الذي افرحني

دمتي لناا